Mae Cyngor Celfyddydau Cymru yn darparu hyd at 5 bwrsariaeth a fydd yn talu cost lawn lle ar ein cwrs Hanfodion Marchnata.
Derbyniwn geisiadau gan aelodau o AMA a rhai nad ydynt yn aelodau sy’n gweithio i sefydliadau diwylliannol.
I ymgeisio rhaid eich bod yn gweithio yng Nghymru a diwallu un neu fwy o’n meini prawf.
Rhaid i bob ymgeisydd fodloni’r meini prawf canlynol.
Meini prawf:
- Mae’n rhaid i ymgeiswyr unigol fod yn gweithio fel gweithiwr celfyddydol llawrydd yng Nghymru neu mewn sefydliad celfyddydol sydd yng Nghymru.
Yn enwedig hoffwn gael ceisiadau gan y canlynol:
- Unigolion neu sefydliadau sy’n gweithio’n bennaf yn y Gymraeg
- Unigolion Byddar, anabl neu niwroamrywiol
- Unigolion o gefndir ethnig neu ddiwylliannol amrywiol
- Sefydliadau sy’n cael eu harwain gan — ac yn canolbwyntio ar gefnogi — grwpiau â nodweddion gwarchodedig. O’r rhain, bydd blaenoriaeth arbennig i’r sefydliadau celfyddydol dan arweiniad pobl ethnig ac yn ddiwylliannol amrywiol neu rai dan arweiniad pobl anabl
- Unigolion sy’n gweithio’n llawrydd yn y sector diwylliannol gyda’r gwaith yna’n brif ffynhonnell incwm iddyn nhw
Sut i ymgeisio :
Cwblhewch y ffurflen gais ar-lein erbyn Dydd Llun 12 Hydref 2026 am 12pm.
Os oes gennych gwestiynau, anfonwch e-bost at Molly Pilkington, Uwch Swyddog Twf a Chyfranogiad yn AMA: molly@a-m-a.co.uk
Pwysig:
— Rydym yn ystyried sefydliad bach yn un sydd â llai na 10 o weithwyr a/neu drosiant o lai na £632,000.
— Dim ond un bwrsari y bydd pob sefydliad yn ei dderbyn.
— Os oes mwy o geisiadau na’r lleoedd sydd ar gael, bydd y Cyngor yn eu hasesu’n gymharol yn ôl bodloni ein blaenoriaethau: Strategaeth | Cyngor Celfyddydau Cymru.
— Rydym yn dymuno i rai sy’n derbyn y bwrsariaethau roi adborth am eu profiad ar y cwrs Hanfodion Marchnata.
— Bydd AMA a Chyngor Celfyddydau Cymru yn gofyn i ymgeiswyr llwyddiannus roi adborth ar eu profiad ar y cwrs Hanfodion Marchnata. At ddibenion marchnata y mae’r adborth hwn.
